Ay rozedaaro aaho buka ke ye roz hai
sadaat par nuzool o bala ke ye roz hai
sartaaj e ousiya ki azaa ke ye roz hai
tum se wida-e shere khuda ke ye roz hai
zakhmi huwa imam tumhara namaz may
zaalim ne rozedaar ko maara namaz may
maahe mubarak e ramazan aur khuda ka ghar
thadhka wo noor ka wo shab e qadr ki sahar
peshe khuda wo sajde may shere khuda ka sar
aur haaye taygh zulm ki zarbath wo farq par
fawware khoon ke zakhm e jabeen se baha kiye
sajde may aap rabbi ul aala kaha kiye
sar peeto momino sare hyder huwa do neem
emaan ke burj ka maye anwar huwa do neem
socho to farq shaah ka kyun kar huwa do neem
likha hai maghz taksar e athar huwa do neem
zehra ne baal khole nabi nange sar huwe
tum be imam aur hassan be pidar huwe
likha hai jab do neem huwa farq e murtaza
sidre se jibraeel ke rone ka ghul utha
phenki saron se zainab o kulsoom ne rida
chilla ke bhaiyon ko pukari ghazab huwa
sunte ho jibraeel ne is waqt kya kaha
wo bole peet kar qutl-al murtaza kaha
daude ye kehke jaanib e masjid wo nayk zaat
doobi huwi lahoo may mili kashti e najaat
maathe pa khoon baap ka mal kar kahi ye baat
hai hai uthaya qibla o kaaba pa kisne haath
rulwaya nana jaan ko darus salam may
bin baap ka kiya hamay maahe siyaam may
nagaah namaziyon ka groh aaya nange sar
hyder ne mujtaba se kaha aankhein khol kar
padhwao tum namaz jama’ath ki ay pisar
ham baithe baithe padhthe hai apne maqam par
lekin jabeen ke zaqm pe roomal baandh do
mera sar hai shigaafta ay laal baandh do
baandha hassan ne zaqm e sar e shah e zuljalaal
bole ali ke aur kaso dard hai kamaal
shabbar ne jab kasa to kiya phir wohi miqaal
phir chust baandh kar ye pukara wo khush-qisaal
ab dard kaisa ay asad e zuljalaal hai
haathon se sar pakad ke kaha ke wohi haal hai
padwa ke phir namaaz jama’ath ki mujtaba
baba ke sar pa padhne lage aaya e shifa
nagaah aake ye kisi aurat ne di nidaa
zehra ke pyaro tum se ye zainab ne hai kaha
baba ko mere jald jo ghar may na laaoge
to sar barahna mujhko bhi masjid may paaoge
bole ali hawaas abhi se baja nahi
zainab se keh do koofa hai ye karbala nahi
mai be dayaar o bekas o be-aashna nahi
shia hai gird nargha e ahle jafaa nahi
parde se nange sar tu abhi kyun nikalti hai
kya halq par hussain ke talwar chalti hai
ummul baneen ko paaya jo sadme may mubtela
baahein galay may daal ke abbas ne kaha
ay amma sadqa dene se rad hoti hai bala
bhai hassan hussain hai zehra ke dilruba
roshan karo jahaan may tum apne naam ko
sadqa utaaro shah e najaf par ghulam ko
ye sunke us hiraas may sambhli wo be-qaraar
leke balayein boli chalo mere gul ezar
baba pa tum nisaar ho tum par ye maa nisaar
chillayi badke majma e matam may ek baar
saydaniyo randape ke gham se panaah do
sadqa utaarne ko mai aayi hoo raah do
bole ali tu hosh may ay nowha gar nahi
abbas ke wiqaar ki tujh ko khabar nahi
ye fatema ka beta hai tera pisar nahi
shabbir ke liye koi aisi sipar nahi
zehra se rutba poochiye is noor e ain ka
ye karbala may hoega fidya hussain ka