Reciter: Mukhtar Hussain
ek baar aur mujhe godh may lelo baba
wa hussaina ka hua shor haram may barpa
hoke ruqsat jo chale ghar se shahe karbobala
kehke ye daudi sakina ke teher jao zara
ek baar aur mujhe….
sheh ne bachi ka jo ye haal pareshan dekha
roke farmaya ke kya haal meri mahelekha
jodh kar nanhe se haathon ko sakina ne kaha
ek baar aur mujhe….
sochti hoo ke tamache koi maare na mere
goshware koi kaano se uthare na mere
wehm aate hai mere dil may na jane kya kya
ek baar aur mujhe….
baba seene se sakina ko lagate jao
ab kahan hogi mulaqat batate jao
tumko akbar ki qasam ghuncha dahan ka sadqa
ek baar aur mujhe….
ab mai pyasi hoo na pani ki zaroorat hai mujhe
koi haajat nahi bas itni si hasrat hai mujhe
dekhloo phir se jee bhar ke tumhara chehra
ek baar aur mujhe….