Janab e Hazrat e Abbas Ko Bulaya Karo Lyrics
Mola Abbas Mola Abbas Mola Hain Hamary Dil Unhain Pukary
Bin Bazoo’n Ke Jo Taqdeerain Likhty Hain
Babul Hawaij , Fazal ke Baba , Bali Sakina Ke Hain Chacha
Unko Bulao Sub Gham Sunao
Hain Wo Sakhi Badshah
Diya Jala Ke Sakina Ke Naam Ka Ghar Main
Janab e Hazrat e Abbas ko Bulaya Karo
Kahn Kahn Wo Hamari Madad Nahi Karty
Qasam Sakina Ke Abbas Rad Nahi Karty
Baghair Mangay Wo Sab Atta Karain Gay Tmhain
Sakina Bibi Ka Farsh e Aza Bichaya Karo
Diya Jala Ke Sakina Ke Naam Ka Ghar Main
Janab e Hazrat e Abbas ko Bulaya Karo
Bohat Qareeb Hai Abbas Ke Yay Shahzadi
Jo Dekhni Ho Mohabbat Chacha Bhateji Ki
Tum Apne Ghar Main Sajaty Howay Azakhana
Alam Pe Choti Se Ak Mashk Bhe Sajaya Karo
Diya Jala Ke Sakina Ke Naam Ka Ghar Main
Janab e Hazrat e Abbas ko Bulaya Karo
Missal Karb o Bala Hai Karam Nawazi Ke
Yay Kamsini Main Bhe Mushkil Kusha Hai Ghazi Ki
Chacha Se Keh ke Ghamon Se tmhain Chura lege
Sakina Bibi Ko Sab Hal e Dil Sunaya Karo
Diya Jala Ke Sakina Ke Naam Ka Ghar Main
Janab e Hazrat e Abbas ko Bulaya Karo
Aye Kash Dekh Lain Ghazi Hamary Ghar Ke Taraf
Atta Ho Aath Muharram Ko Hazri Ka Sharaf
Chacha ke Sath Bhateji Bhe Mery Ghar Aye
Dua Yay Mang ke Ghazi Ki Nazr Khaya karo
Diya Jala Ke Sakina Ke Naam Ka Ghar Main
Janab e Hazrat e Abbas ko Bulaya Karo
Tum Uske Naam Ki Mannat Utha ke Mango Dua
Hussain Sadqay Main Iske Karain Gay Beti Atta
Tmhary Ghr Main Jab Ajaye Chand Se Beti
Kaneez e Bali Sakina Usay Banaya Karo
Jisay Namazon Main Manga Sokon Sokon Keh Kar
Sokon Kesy Mily Wo Nazer Na Aye Agar
Usay Bula Ke Yay Akser Hussain Kehtay thy
Sakina Hum Se Kabhi Dor Tum Na Jaya Karo
Salam Uspe Jo Girti Sambhalti Rehti the
Wo jis ke Galon Ke Rangat Badalti Rehti The
Tamachy kha ke wo zalim se ro ke kehti rahe
Main ek yateema hon mujh per na hath uthaya karo
Yay Zaireen Se Zeeshan aur Raza Keh do
Kise Ka Shaam agar Karbala Se Jana Ho
Lahad Pe Bibi ke Ek Mashk Sath Le ja kar
Yay Pani Bheja Hai Abbas ne bataya karo