Buss Ya Hussain Lyrics
Ya Hussain Ya Hussain
Hussain
Hussain Ya Hussain
Ay Hurr Kisy Mili Yeh Shahadat Ki Zaib O Zain
Bali Py Tere Aai Hain Khud Madar E Hussain
Is Martaby Ky Bad To Sab Tujh Ko Mil Gaya
Ay Hurr Hussain Mil Gaye Rab Tujh Ko Mil Gaya
Kuch Nahi Mila Usy Tu Nahi Mila Jisy
Tu Jis Ko Mil Gaya Rab Us Ko Mil Gaya
Buss Ya Hussain
Yeh Bas Hussain Ki Ata Yeh Bas Hussain Ka Jigar
Jo Kar Diya Woh Motabar Jo Dy Diya To Sara Ghar
Karam Hussain Ka Karam Kisi Py Ho Gaya Agar
Mily Kisi Ko Bal O Par Kisi Ko Mil Gaya Pisar
Hurr Bana Diya Usy Jo Ek Bar Mil Gaya
Tu Jis Ko Mil Gaya Rab Us Ko Mil Gaya
Buss Ya Hussain
Adam Ki Poori Nasl Py Ehsan Kon Tha
Jis Par Khuda Ko Naaz Woh Insan Kon Tha
Kunby Ky Sath Deen Py Qurban Kon Tha
Nok E Sinan Py Qari E Quran Kon Tha
Ay Karbala Bata Tera Mehman Kon Tha
Bass Ya Hussain
Buss Hussain Ka Jisy Yeh Ikhtiar Mil Gaya
Yeh Ikhtiar Kitna Waseeh O Buland Hai
Sara Jahan Hussain Ki Muthi Mein Band Hai
Badla Hai Karbala Mein Taqaza E Inqelaab
Naizey Py Ab Jo Sar Hai Wohi Sar Buland Hai
Aiwan E Inbisaat Mein Jannat Na Kar Talash
Yeh To Gham E Hussain Ky Aansoo Mein Band Hai
Bass Ya Hussain
Dastan Hussain Ki Samajh Mein Aa Gai Agar
To Hurr Ki Rehguzaar Par Kary Ga Ishq Ka Safar
Tarhap Tarhap Uthy Ga Tu Kahy Ga Rat Rat Bhar
Hussain Buss Hussain Hai Sinan Py Ya Zameen Par
Shah E Karbala Sy Jis Ky Dill Ka Taar Mil Gaya
Tu Jis Ko Mil Gaya Rab Us Ko Mil Gaya
Ek Dopehr Mein Jis Ny Bhara Ghar Luta Diya
Nazaan Khuda Hai Jis Py Woh Sajda Ada Kiya
Apny Lahu Sy Khak Ko Khak E Shifa Kiya
Ashor Aik Roz Tha Sadion Py Chaa Gaya
Karbobala Ko Arsh E Mualla Bana Diya
Buss Ya Hussain
Salam Ya Hussain Rab Ka Aitbar Mil Gaya
Tu Jis Ko Mil Gaya Rab Us Ko Mil Gaya
Jab Ran Mein Zulfiqar E Ali Nagahaan Chali
Bich Bich Gaiin Safon Py Safen Woh Jahan Chali
Chamki To Is Taraf Udhar Aai Wahan Chali
Deny Ko Dad Arsh Sy Pyasy Ki Maan Chali
Muddat Ka Taal Mail Tha Barson Ka Sath Tha
Jaisi Woh Zulfiqar Thi Wesa Hi Hath Tha
Kha Kha Gai Safon Ko Jidhar Ai Zulfiqar
Geh Chup Gai To Gaah Nazar Ai Zulfiqar
Sar Par Chamak Ky Taaban Qamar Aai Zulfiqar
Zee Kaat Kar Zameen Py Utar Ai Zulfiqar
Phir To Yeh Ghul Ai Ky Duhai Hussain Ki
Allah Ka Ghazab Hai Larhai Hussain Ki
Hussain Ya Hussain
Aai Nida E Ghaib Ky Shabbir Marhaba
Is Hath K Liye Thi Yeh Shamsheer Marhaba
Yeh Aabroo Yeh Jang Yeh Toqeer Marhaba
Bass Bass Hussain Bas Mere Dilgeer Marhaba
Waqt E Namaz E Asr Hai Takbeer Marhaba
Bass Ya Hussain
Bass Ya Hussain
Labbaik Keh Ky Taigh Rakhi Sheh Ny Nyam Mein
Palti Sipah Aai Qayamat Jahan Mein
Log Khanjaron Mein Taighon Mein Bharon Mein Ghir Gaye
Tanha Hussain Barchion Walon Mein Ghir Gaye
Hussain Ya Hussain
Rehan O Sarwar E Hazeen Suno Yeh Aisa Raz Hai
Hussain Keh Rahy Thy Buss Khuda Py Mujh Ko Naaz Hai
Na Bhai Na Pisar Raha Na Koi Chara Saaz Hai
Azan Hai Hussain Hai Khuda E Bey Nyaz Hai
Na Zeen Na Zameen Par Yeh Akhri Namaz Hai
Hussain Ya Hussain
Jis Ky Dill Mein Hussain Rehta Hai
Farsh Majlis Ka Jo Bichata Hai
Jo Bhi Noha Kahin Sunata Hai
Ly Ky Nam E Hussain Rota Hai
Us Ko Zehra Salam Karti Hai