Kab Aaoge Mola Lyrics
Ya Mahdi Madadi, Ya Mehdi Madad
Ya Mahdi Madadi, Ya Mehdi Madad Lyrics
Al Ajal Al Ajal Al Ajal…
Hawa E Karam Kab Chalaoge Maula
Diye Zulm Ke Kab Bujhaoge Maula
Ye Ghaybat Kahan Tak Barhaaoge Maula
Kab Apni Ziyarat Karaoge Maula
Kab Apni Ziyarat Karaoge Mola, Kab Aaoge Mola Kab Aaoge Mola
Judai Mai Kab Tak Rulaaoge Mola, Kab Aaoge Mola Kab Aaoge Mola
Hui Ek Muddat Sitam Sehte Sehte
Zabaan Thak Chuki Al Ajal Kehte Kehte
Hamay Kab Ghamon Se Churdhaoge Mola…Kab Aaoge Mola
Areezon Ko Kab Tak Waseela Banayen
Tumhe Haal E Dil Saamne Ab Sunayen
Kab In Faaslon Ko Mitaaoge Mola… Kab Aaoge Maula
Wilayat Ko Zakhmi Kiye Jaarahe Hain
Sab Ek Doosre Se Laray Jaa Rahe Hain
Kab Aapas Main Inko Milaaoge Mola… Kab Aoge Mola
Zahoor Aap Ka Hoga Kis Roz Jaane
Dua E Faraj Hai Labon Par Hamare
Asar Kab Duaon Mai Laaoge Mola… Kab Aogay Mola
Ye Dil Misle Hur Hai Pareeshaan Hamara
Hussain Aap Ban Kar Batao Khudara
Galay Se Hamay Kab Lagaao Ge Mola… Kab Aoge Mola
Hai Halat Bhi Ab Misle Yaqoob Dekho
Hamari Umeedon Ke Yusuf Tumhi Ho
Taras Kab In Aankhon Pe Khaaoge Mola… Kab Aoge Mola
Baqayya Mai Kab Tak Andhera Rahega
Dil E Fatima Ko Sukoon Kab Milega
Diya Qabr Pe Kab Jalaaoge Mola… Kab Aoge Mola
Rahenge Yunhi Kab Talak Ashk Jaari
Shab E Hijr Kab Khatm Hogi Hamari
Chiraaghe Sahar Kab Jalaaoge Mola… Kab Aoge Mola
Hilal Aur Mesum Bahate Hain Ansoo
Sajay Hain Janazon Ke Bazaar Har Su
Kya Ghaibat Se Ab Bhi Na Aaoge Mola… Kab Aoge Mola