Ads are placed to support costs of domain and hosting. All Ads are random and are not chosen by Nohay Lyrics: Sorry for any inappropriate ads.

Hamara Pehla Imam Ali Lyrics | Mesum Abbas 2020

Hamara Pehla Imam Ali Lyrics

Salam Ya Ali…
…Salam Ya Ali

Khuda Ne Bheje Hain
Jispar Durood Aur Salam…
Shaheed Aaj Hua Hai
Hamara Pehla Imam

Imam Aisa Jo Allah Ka Iraada Hai
Imam Aisa Jo Zaujay Janabe Zehra Hai
Imam Aisa Jo Pyaare Nabi Ka Saya Hai
Imam Aisa Jo Hasnain Ka Bhi Baba Hai
Hai Uss Imam Ki Duniya Mai Aaj Akhri Shaam…
Shaheed Aaj Hua Hai Hamara Pehla Imam

Hussaini Maaon Ne Bachon Ko Apne Samjhaya
Ali Ke Qatl Ke Ye Din Hain Misle Ashoora
Libaas e Sog Pehen Kar Bichao Farshe Aza
Ye Din Vo Hain Ke Khushi Bhi Haram Hai Beta (2x)

Guzaaro Girya o Zaari Mai Apne Subho Shaam…
Zamaana Laakh Mukhaalif Ho Ye Bataana Hai
Kisi Bhi Haal Mai Yom e Ali Manana Hai
Aza Ke Lafz Ki Hurmat Ko Bhi Bachana Hai
Ke Jaan Deke Bhi Farshe Aza Bichana Hai (2x)

Phir Agle Saal Kahainge Ali Ke Saare Ghulaam…
Haye…Ajeeb Gham Ka Ye Mah e Sayaam Aya Hai
Ali Ke Qatl Ka Samaan Saath Laaya Hai
Nabi Ko Qabr Mai Jisne Lahu Rulaya Hai
Ali Ke Bachon Ne Daaghe Yateemi Paya Hai (2x)

Ali Ke Shiyon Mai Barpa Hai Dard Se Kohraam…
Namak Khujoor Se Iftaar Karne Wala Imam
Fida Rasool Pe Gharbaar Pe Karne Waala Imam
Udu e Deen Pe Yalghaar Karne Wala Imam
Khuda Ke Bando Se Hi Pyaar Karne Wala Imam (2x)

Ali Se Pyaar Hai Jisko Parhega Vo Ye Kalam…
Tamaam Karke Tahajjud Khuda Ka Shair Chala
Phir Apne Ghar Se Chala Suye Masjid e Kufa
Jagaake Apne Hi Qaatil Ko Ye Ali Ne Kaha
Jo Kaam Karne Ko Aya Hai Kyun Nahi Karta?

Ye Kehke Mola Mera
Namaz Parhne Laga
Hui Jo Pehli Rakat
Laeen Uqab se Barha
Chalayi Taigh e Jafa
Shigaaf Sar Ko Kiya

Namazi Ronay Lagay
Ali Ki Aayi Sada…
Fuzto Bi Rabbil Kaaba…
Fuzto Be Rabbil Kaaba…
Bujhi Thi Zeher Mai Talwaar Uss Sitamgar Ki
Shigaaf Karte Huay Sar Jabeen Tak Utri
Khabar Ye Khaana e Zehra Mai Jis Ghari Pohonchi
Hasan Hussain Se Zainab Tarap Ke Kehne Lagi (2x)

Falak Se Aaya Hai Jibreel Ka Ye Kaisa Payaam…
Jahan Ko Dete Hain Paighaam Mesum o Mazher
Nahi Qayamat e Sughra Se Kam Ye Gham Dilpar
Ali Ke Sog Mai Farshe Aza Bichay Ghar Ghar
Hameysha Bhejiye Lanat Bhi Ibne Muljim Par (2x)

Iss Ek Baat Pe Takmeel Paa Chuka Hai Kalam…
Allahuma Laan Qatalata Ameerul Momineen

Leave a Reply

error: Content is protected By the Owner of Nohay Lyrics !!