Ye Sochta Hoo Ke – Salam

Reciter: Ustad Fateh Ali Khan


ye sochta hoo ke abid ka haal kya hoga
aseer hoke wo jab shaam may gaya hoga

suna hai shaam may jaate hi khoon rone laga
na jaane shimr ne us waqt kya kaha hoga
ye sochta hoo…

galay ki tauq ne abid ko kya jhukana tha
wo apne khoye huye laal dhoondta hoga
ye sochta hoo…

wo zulm dekhein hai sajjad ne hussain ke baad
mujhe yaqeen hai ke ab tak bhi ro raha hoga
ye sochta hoo…

wo yaad karta to hoga watan ki shaahi ko
behan ko dafn jo pardes may kiya hoga
ye sochta hoo…

jo ghaur kijey to abid bashar nahi lagta
mere khayaal may dukh dard ka khuda hoga
ye sochta hoo…

Leave a Reply

error: Content is protected By the Owner of Nohay Lyrics !!