Bano Ne Kaha Jaan Se – Salam

Shayar & Reciter: Izzat Lakhnavi


soona jangal ghor andhera asghar aaja paas
asghar aaja paas

bano ne kaha jaan se pyare ali asghar
kya sogaye darya ke kanare ali asghar

tum paas thay mere to laga rehta tha jee bhi
tanhai may maa kisko pukaare ali asghar
pyare ali asghar

tum jiski amaanat thay gaye paas usi ke
kyun chut’te agar hote hamare ali asghar
pyare ali asghar

wo dhoop ki shiddat se din kat gaya lekin
kis tarah se maa raat guzare ali asghar
pyare ali asghar

aajao to jee bhar ke tumhe pani pila laaun
yan kyun hai chacha nehr kanare ali asghar
pyare ali asghar

akbar hai na qasim hai na ab aun o mohamad
sab toot chuke mere sahare ali asghar
pyare ali asghar

din dhal gaya raat aa gayi darr lagta hai beta
phir koi shaqi teer na maare ali asghar
pyare ali asghar

ek lamhe ko phir qaime may aa jaao ke maadar
wo khoon bhara kurta to utaare ali asghar
pyare ali asghar

aagosh may tum hoge to shayad ye sitamgar
baandenge na phir haat hamare ali asghar
pyare ali asghar

kohraam tha izzat lab e baalon pa buka thi
aajao ke maa jaan ko waare ali asghar
pyare ali asghar

Leave a Reply

error: Content is protected By the Owner of Nohay Lyrics !!